Gulantaan Qabsoo Irra Jirru Diinagdee,Barnootaafi Teeknooloojii Akkasumas,Sirna Ijaaruudha!
Mootummaan Naannoo Oromiyaa maddoota galii addaa addaa maddisiisuun galii keessoo isaa cimsuufi guddina diinagdee naannichaa saffisiisuuf hojii gurguddaa dhaabbilee misoomaa addaa addaa hundeessuun hojjechaa jira.
Gamaaggama raawwii hojii mootummaafi paartii kurmaana 3ffaa Magaalaa Bishooftuutti geggeeffamaa jiru ilaalchisuun Itti Aanaan Pirezidaantii Mootummaa Naannoo Oromiyaa Obbo Awwaluu Abdii raawwii hojii ji'oota saglan darbanii kilaastera bulchiinsaafi horataalee mootummaa waliigalaa ilaalchisuun addatti miidiyaaleef ibsa kennanii jiru.
Haaluma kanaan mootummaan naannnoo Oromiyaa gulantaa qabsoo Oromoo diinagdee,barnootaafi teeknooloojii akkasumsa, sirnaa ijaaruutti ce'eera jedhan
Maddoota galii dabaluu,hubannooo uumuufi pootenshaala adda baasuun hojjetamaa turuufi baasii naannichaa of dandeessisuuf hojii hojjetamaa tureen galiin qarshii bil. 237 walitti qabamuu ibsuun waggaa waggaanis galiin walitti qabamaa jiru dhibbantaa 46 oliin dabaluu ibsaniiru.
Kaffaltootni gibiraas kuma 634 ol ga'uufi ammas dabaluuf hojii guddaa kan gaafatuu dha jedhan. Baasii naannoo irra caalaa isaa galii keessoon uwwisuun akka dandaa'ameefi kunis dhibbantaa 70-80tti ol guddachuu eeraniiru.
Baajetni naannoo Oromiyaa yeroodhaa gara yerootti guddachaa dhufuufi kan bara kanaas qarshii bil.400 ol qaqqabuu kan ibsan obbo Awwaluun,baajata kana keessaa irra caalaan isaa baasii kappitaalaaf 21ggersa aanaalee 64% fi naannoof 13% qofa
ta'uus eeraniiru.
Gama biraatiin naannichatti pirojeektonni 28,800 hirmaannaa hawaasaa,baajeta mootummaafi miti mootummaan hojjetamaa akka turaniifi kanneen keessaa pirojeektonni 21,000 xumuramuu Obbo Awwaluun ibsanii jiru. Pirojektootni naannichatti bara kana hojjatamaa turan kunneen 24,000 pirojeektota haaraafi 4,461 pirojektoota buleeyyii ta'uus dubbataniiru.
Gama facaatiinis Pirojektoonni
91% ol ta'an pirojeektota bu'uuraalee misoomaa ta'uus himaniiru.
Naannichatti jiruufi jireenya hawaasa naannichaa jijjiiruuf kenna tajaajila lammummaatiin hojiiwwan gosa 72 ol qarshii bil.409tti tilmaamamun hojjetamuufi Kunis baajeta naannichaatii ol ta'uus kaasaniiru.Walumaagalatti kenna tajaajila lammummaatiin waggoota torban darbanitti hojiin qarshii Tiriliyoona 1.1tti tilmaamamuus hojjatameera jedhan.
Gama Buusaa Gonofaatinis qarshiin biliyoona 3.4 gumaataafi buusiin walitti qabamuufi miseensota miliyoona 29 horachuus ibsaniiru.
midhaan nyaata barataa kuntaala mil 2.3 kan qarshii bil 16tti tilmaamamus walitti qabamuu, qarsh bil. 50 ol ta'uunis warshaa ijaarsa eegaluu, konkolaattota boottee bituufi
manneen kuusaa 5 yeroo amma Buusaan Gonofaa akka qabu Obbo Awwaluun eeraniiru.
Oromia soverign fund 'n dhaabbilee adda addaa gareen hundeessuun hojii guddaan hojjetamaa jiraachuufi baankiin siinqees liqeessuufi qusachiisuu irratti xiyyeeffannoon hojjachaa jiraachuufi namoota kuma 700 ta'aniif liqii kennara jedhan.
Kenna tajaajilaan itti quufinsa hawaasaa guddisuuf hojii hojjetamaa tureen wiirtuun tajaajila iddoo 1ffaa ijaaramuufi guyyaa abbaa dhimmaa hundeessuufi namoota rakkoo naamusaa qaban 11,000 ol irratti tarkaanfiin fudhatamuus ibsaniiru.
Riiformii aanaafi gandaan tajaajila gadi buusuun ganda aangomsuun tajaajila hunda dhaqqabamaa taasisuuf hojjetamaa turuu,
wiirtuun iddoo tokkoonis
namoonni kuma 500 tajaajila argachuun itti quufinsas guddisuufi yeroo dhiyootti magaalota 91 keessattis kan tajaajila eegalan qophaa'aa jiraachuu Obbo Awwaluun eeraniiru.
